Azərbaycandan 1 mln. rublun çıxarılmasının qarşısı alınıb

Bu barədə  DGK-dan məlumat verilib.
Bakı-Moskva aviareysilə getmək istəyən Rusiya vətəndaşı "yaşıl kanal” buraxılış sistemindən istifadə etməklə gömrük nəzarətindən keçsə də, lakin onun üzərində gömrük orqanına bəyan edilməmiş malların olması ilə bağlı əsaslı şübhə yaranıb.
Vətəndaş saxlanılıb və üzərində şəxsi yoxlama aparılıb. Nəticədə onun gödəkçəsinin və şalvarının ciblərində gömrük nəzarətinə əvvəlcədən təqdim edilməyən, şifahi, yazılı və ya elektron formada bəyan olunmayan cəmi 1 mln. Rusiya rublu aşkarlanıb.
Faktla bağlı araşdırma aparılır.