Hadisə ilə bağlı K.Abdullayevin klinikası ilə əlaqə saxladıq.

Klinikada telefona cavab verən xanım Publika.az-a açıqlamasında Kamal Abdullayevin qızı olduğunu deyərək hazırda atasının istirahətdə olduğunu dedi: "Atamla anamın vəziyyəti yaxşıdır, hər şey qaydasındadır. Hazırda Kamal Abdullayev istirahətdədir”.

Quldurların yaxalanmasına gəldikdə, xanım bu barədə yeni məlumat olmadığını dedi: "Yeni xəbər olsa, bu barədə mətbuata da açıqlama veriləcək. Hələ ki, həmin şəxslər yaxalanmayıb”.

Həmin şəxslərin kimliyi barədə də heç bir şübhələrinin olmadığını dedi: "Şübhələndiyimiz şəxslər olsa idi, bu barədə polisə məlumat verərdik”.

Qeyd edək ki, quldurlar uroloqun evindən 5 min dollar pul və həkimin bahalı qol saatını aparıblar.

Faktla bağlı Binəqədi Rayon Polis İdarəsində cinayət işi açılıb.