Baş nazir Əhməd Davudoğlu koalisiya müzakirələri ilə bağlı açıqlama edib.

Davudoğlunun açıqlamasının xülasəsi belədir:

"Münasibətimiz çox açıqdır. Millətimiz, milli iradənin bir təcəllisi olaraq koalisiya ilə hökm edilməsinə qərar verib. Bunun üçün bizim qapımız hər kəsə açıqdır. Hər kəslə hər şeyi danışarıq və bu mövzuda əxlaqi, siyasi baxımdan ən doğru yerdə dayanmağa qərarlıyıq.

Müxalifət partiya liderlərinin açıqlamalarına baxıldıqda iqtidar mübadiləsi varmış kimi görünür. Bu doğru bir rəftar deyil. Bunu açıq şəkildə deyirəm.

Biz, rəsmi vəzifə Hörmətli Prezidentimiz tərəfindən bizə təqdim edildiyi zaman da onsuz da işlərə başlayacağıq. O ana qədər qapımız və məsləhətləşmələr üçün hər kəsə açıqdır. Bütün partiyaların ümumi başçıları ilə tam açıq ürəkliliklə danışacağam, vəzifəni üzərimə aldığım zaman. Gedib bu mövzuları özləri ilə şəxsən ən üst səviyyədə danışacağam. Bunun xaricində çıxan xəbərlərin hamısı yalnız şərhdən ibarətdir. Təbii bu şərhlər edilə bilər, amma şəxsən mənim söyləmədiyim heç bir düşüncə AKP-ni təmsil etməz.

Bu vaxta qədər edilənlər, deyilənlər bəziləri xahiş, bəziləri zəmin yoxlama ola bilər, amma hər kəsin o gün gəldikdə, danışıqlar başlayanda yaxşı niyyətlə və ciddiliklə yaxınlaşmasını diləyirəm. Bu çərçivədə Hörmətli Bahçelinin açıqlamaları daxil olmaq üzərə, bütün bu açıqlamaların əsas etibarı ilə o danışıqlarda dəqiqliyə qovuşacağını ifadə etmək istəyirəm. Bizim yanaşmamız, ilk gündən etibarən açıqdır. Heç kimə qapını bağlamadıq, heç bir fərziyyəyə mahal qoymadıq.

Çərşənbə axşamı yoldaşlarımız andla müqəddəs vəzifəyə başlayacaq. Heç kimə qapımızı bağlamadıq. 'AKP bununla razılaşdı' kimi xəbərlər yalnız xahiş və şərhdən ibarətdir. Bu mövzularla əlaqədar lazımlı açıqlamaları mən edərəm.

Ölkəni yaxşı niyyətlə və təsirli bir şəkildə idarə edə biləcək bir hökumət meydana gətirə bilmək üçün əlimizdən gələni edəcəyik. Qapımız da heç kimsəyə bağlı deyil, zehinimiz bağlı deyil, qulağımız bağlı deyil, könülümüz bağlı deyil. Ramazanın gözəl atmosferi içində yeriyən koalisiya görüşmələrinin, ramazanın ruhuna da zidd düşən rəftarlardan uzaq qalınmasını diləyirəm".

Moderator.az