BİLSƏN ƏGƏR...

BİLSƏN ƏGƏR...

Əli Mehdi

Qovuşub kədərlə gülüş yerləri,
Qirişib üzündə öpüş yerləri,
Yadına düşəndə görüş yerləri,
Ağlaya bilirsən, məni də ağlat.

Nə vaxtdır, donmuşam baxışlarında,
Xatırla, isinər baxışların da,
Axıb çaya dönən göz yaşlarında,
Çağlaya bilirsən , məni də çağlat.

Əsən külək, coşub getdi hayana?
Saldı bizi ayri-ayrı ünvana,
Ümidini, itirilmiş gümana,
Bağlaya bilirsən, məni də bağlat.

Ömür də ötüşür fəsillər kimi,
Qəlbdə nakam sevgi, əsirlər kimi,
Bitməmiş bu romanı, sirrlər kimi,
Saxlaya bilirsən, məni də saxlat.

Əli Mehdi bəlkə boşa yaşayır,
Ruhunla ürəkdə qoşa yaşayir.
Görərsən, bir anlıq boşa, yaşayır?
Yoxlaya bilirsən, məni də yoxlat.

Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az