Brazilya 1/4 finalda - VİDEO

Çili millisinin futbolçularından isə M.Pinilla, A.Sançez və Q.Jara zərbələri dəqiq yerinə yetirə bilməyiblər

Braziliyada təşkil olunmuş futbol üzrə XX dünya çempionatında səkkizdəbir final mərhələsinin ilk oyunu keçirilib. Vətəninfo.az xəbər verir ki, iyunun 28-də Belu Orizonti şəhərindəki “Mineyran” stadionunda Braziliya və Çili yığmaları qarşılaşıb.

İngiltərəli baş hakim Hovard Uebin idarə etdiyi görüşün əsas vaxtı 1-1 hesabı ilə başa çatıb. David Luiz 18-ci dəqiqədə braziliyalıları hesabda irəli çıxarsa da, Çili millisinin hücumçusu Aleksis Sançez 32-ci dəqiqədə bərabərlik qolunu vurub.

Əsas vaxtda qapılara əlavə qol vurulmadığından qalibi müəyyənləşdirmək üçün on bir metrlik cərimə zərbələri təyin olunub. On bir metrlik cərimə zərbələrini daha dəqiq yerinə yetirən braziliyalılar dörddəbir final mərhələsinə vəsiqəni təmin ediblər. Braziliya yığmasının heyətində Uillian və Hulk, Çili millisinin futbolçularından isə M.Pinilla, A.Sançez və Q.Jara zərbələri dəqiq yerinə yetirə bilməyiblər.

Beşqat dünya çempionları dörddəbir finalda Kolumbiya – Uruqvay qarşılaşmasının qalibi ilə görüşəcəklər.

1/8 final

28 iyun

Braziliya – Çili - 1:1

Qollar:  Luis, 17 - Sançes, 33

Penaltilər seriyası: Luis, (1:0); Pinilia, (1:0); Villian, (1:0);  Sançes, (1:0); Marselo, (2:0); Aranqis, (2:1); Halk, (2:1); Dias, (2:2); Neymar (3:2); Qonzalo (3:2)

Vətəninfo.az