Dəhşətli Hacıqabul qətlinin - Təfərrüatı

Onların ailələrində bu kimi konfiliktlər davamlı şəkildə olub. Məlumatlara görə, onlar uzun müddət yola getməyiblər. Hətta bundan öncə Əflan Gəncəli oğlu Hüseynovdan evdə dava saldığı üçün bir neçə dəfə şikayət edilib. Hadisəni törədən şəxs içki aludəçisi olub.

Bu sözləri Axar.az-a danışan Hacıqabul Rayon Prokurorluğunun böyük müstəntiqi Vüqar Məlikov deyib.

O, hadisəni törədən şəxsin əvvəllər Rusiyada çalışdığını bildirib:

"Mərhumların iki qız, iki oğlan övladı var. Hər biri də ailəlidir. Oğlan övladları Hacıqabul bazarında qəssablıqla məşğul olurlar”.

Xatırladaq ki, bu gün səhər saatlarında Hacıqabul şəhəri Əlağa Vahid küçəsi -155 ünvanında dəhşətli qətl hadisəsi qeydə alınıb.

Rayon sakini 1953-cü il təvəllüdlü Əflan Hüseynov həyat yoldaşı, 1954-cü il təvəllüdlü Almaz Sabir qızı Hüseynovanı ürək nahiyəsindən bıçaqlayaraq qətlə yetirib. Bundan sonra isə Ə. Hüseynov özünü ov tüfəngi ilə vuraraq öldürüb.

Faktla bağlı Hacıqabul rayon Prokurorluğunda araşdırma aparılır.