Dəhşətli partlayışda ölənlərin sayı durmadan artır

Çin dövlət televiziyasının yaydığı məlumata görə, partlayışda ölənlərin sayı durmadan artır. Belə ki, artıq 42 nəfərin ölməsi barədə xəbər veriilir.

ANS PRESS-in məlumatına görə, yaralıların da sayı artaraq 400 nəfəri keçib.

Bildirilir ki, Tyantsin şəhərində yanacaq anbarında 30 saniyə intervalla iki güclü partlayış olub, daha sonra şiddətli yanğın başlayıb. Hadisə yerinə 100-ə yaxın yanğınsöndürən maşın cəlb olunub. 20 yanğınsöndürəndən hələlik xəbər yoxdur.




Yanacaq anbarında yanğın hələ də davam edir


...07:40...

Avqustun 12-də axşam saatlarında Çində baş verən güclü partlayış nəticəsində ölənlərin sayı 20 nəfərə çatıb.

ANS PRESS-in məlumatına görə, Çin dövlət televiziyası xəbər verir ki, ölənlərdən 17 nəfəri sakin, 3 nəfəri isə yanğınsöndürəndir.

Partlayış nəticəsində 38 nəfəri ağır olmaqla 300-dən çox adam yaralanıb.


Partlayış baş verən ərazi


Çinin Tyantsin şəhərində baş vermiş güclü partlayış nəticəsində ölənlərin sayı artıb.
Partlayış zamanı 13 nəfər ölüb. Ölənlərin sayının artacağı ehtimal edilir.
Yanğınsöndürənlər hələ də partlayışdan sonra yaranan alovun qarşısını ala bilməyib.

Çinin şimalında Tyantsin şəhərində güclü partlayış baş verib
Partlayış yanıcı maddələr olan anbarlardan birində baş verib.
Nəticədə 300-400 nəfər ciddi xəsarət alıb və onlar xəstəxanaya yerləşdirilib. Partlayış yerli vaxtla saat 23.30-da baş verib. Şahidlərin sözlərinə görə, partlayış bəzi evlərin pəncərələrini sındırıb.

Hadisənin səbəbləri məlum deyil