Dondurma alarkən...

"İnsanlar bilməlidirlər ki, dondurma yüksək kalorili, tez həzm olunan süd məhsuludur. Onun yağlılığını artıqmaq üçün istehsalçılar dondurmanın tərkibinə yalnız və yalnız kərə yağı qarşıdırmalıdırlar. Lakin dondurma istehlak olunan zaman boğazda acılıq yaranırsa, bu o deməkdir ki, dondurmanın tərkibinə bitki yağı və ya marqarinlər qatılıb".

Bu fikirləri Azad İstehlakçılar Birliyinin sədri Eyyub Hüseynov bazarda satılan keyfiyyətsiz dondurmalar barədə danışarkən deyib. Onun sözlərinə görə, bazarda satılan dondurmaların əksəriyyəti quru süddən hazırlanır:
"Hər həftə Azad İstehlakçılar Birliyinə 400-500 telefon zəngi daxil olur. İstehlakçıların satılan dondurmalarla bağlı müəyyən fikirlərini bildirirlər.
Dondurmaların əksəriyyəti quru süddən hazırlanır. Quru südün də tərkibində baytarlıq dərmanlarının qalıqları olur ki, bu da ziyanlıdır. İnsanlar diqqət etməlidirlər ki, qablaşdırılmış donmdurma əzlmiş formada olmasın. Dondurmanın formasının dəyişməsi o deməkdir ki, həmin dondurma əriyib və yenidən dondurulub. Bu da keyfiyyətsizliyin göstəricisidir.
Xaricdən gələn dondurmaların yağlılıq müddətinin uzun olması bizi çox narahat edir. Əhali də bundan narahatdır. Uzunmüddətli yağlılıq göstərilibsə deməli, bunların tərkibində kimyəvi maddələr var. Belə dondurmaları almaqdan istehlakçılar çəkinməlidirlər".

Ölkə.az