Donetskdə "hökumət evi”nin yaxınlığındakı dayanacaqda avtomobil partlayıb.

Axar.az xəbər verir ki, bu barədə Donetsk xəbər agentliyi məlumat yayıb.

Bildirilib ki, partlayışın səsi bütün şəhərdə eşidilib. Separatçıların "FHN” rəhbəri hadisə yerinə gələrək, insanları təşvişə düşməməyə çağırıb.

İlkin məlumata görə, avtomobilin sahibi xəsarət almayıb.

Rusiya Prezidenti Vladimir Putin fövqəladə hallar naziri vəzifəsini icra edən Aleksandr Çupriyana Donbasdan olan qaçqınların qəbulunu təşkil etmək üçün təcili olaraq Rostov vilayətinə uçmağı tapşırıb.