Dünya şöhrətli vokalist Kurt Kobeyinin solo albomu işıq üzü görəcək

Noyabrın 6-da Amerika telekanallarında "Nirvana" qrupunun lideri Kurt Kobeynin həyatından bəhs edən "Montage of Hech" sənədli filmi nümayiş olunacaq.

AZƏRTAC theguardian.com saytına istinadla xəbər verir ki, ilk dəfə HBO kanalında nümayiş olunan film ulduzun fanatları tərəfindən maraqla qarşılanıb. Eyni gündə filmin premyerası münasibətilə K. Kobeyinin indiyədək eşidilməmiş ifalarından ibarət albom da işıq üzü görəcək. Albomda yer alacaq musiqilər sənətkarın arxivində uzun müddət çalışan Brett Morqen tərəfindən seçilib.

Həmçinin filmin rejissoru olan B. Morqen bildirib ki, albomda K. Kurtun gitara ilə ifa etdiyi mahnılar da olacaq. "Bunlar tanınmayan, bəzən isə sona qədər tamamlanmamış mahnılardır, buna baxmayaraq olduqca möhtəşəmdir".

Qeyd edək ki, "Nirvana" qrupunun vokalisti olmuş Kurt Kobeyn 27 yaşında intihar edib.