“Dövlətin ərazisini parçalayan separatçılarla dost olarmı?

Uruqvay və onun Latın Amerikadakı dostları bizə hələ çox başağrı yaradacaqlar...

Bu sözləri “Veteninfo.az”a Atlas” Araşdırmalar Mərkəzinin rəhbəri, analitik Elxan Şahinoğlu  bildirdi: “Uruqvay XİN-i Azərbaycan XİN-nin etiraz notasına cavab mətnini oxudum. Notada maraqlı bir cümlə var: "Uruqvay Ermənistanla dərin və ənənəvi təmaslara, Azərbaycanla səmimi və konstruktiv dostluq münasibətlərinə malikdir". "Dərin və ənənəvi təmaslar" üstün gələr, yoxsa "səmimi və konsturktiv dostluq" əlaqələri? Bir dövlətin parlamentinin spikeri "səmimi və konsturktiv dost" adlandırdığı dövlətin ərazisini parçalayan separatçılarla dost olarmı? Bir sözlə, Uruqvayın Azərbaycana ikibaşlı cavabı o deməkdir ki, erməni separatçılarıyla təmaslarına davam edəcəklər...”,-deyə analitik qeyd etdi.

Elnur Eltürk