Ebolaya yoluxanların sayı gizlədilir

Ölümcül xəstəliyə ilk yoluxmanın qeydə alınmasından bir il keçməsinə baxmayaraq Qvineya əhalisi Ebola virusu ilə yoluxma hallarının çoxunu gizlətməkdə davam edir.

Vətəninfo.az-ın məlumatına görə, “Sərhədsiz həkimlər” təşkilatının Qvineyadakı missiyasının rəhbəri Jerom Muton əhalinin əksəriyyətinin əvvəlki kimi xəstəliyə yoluxmuş qohumlarını hökumətdən gizlətməkdə davam etdiyini, bununla da virusun yayılma riskinin artdığını deyir.

Qeyd edək ki, Ebola epidemiyasının ilk qurbanı bir il bundan əvvəl Qvineyada vəfat edən iki yaşlı uşaq olub.

Dünya səhiyyə təşkilatının son məlumatına görə Qərbi Afrikada Ebola virusu səbəbi ilə yaranmış epidemiya qurbanlarının sayı artıq 7,5 min nəfəri ötüb.