Bakupost.az xəbər verir ki, bu sözləri mühacir jurnalist Elbəyi Həsənli Azərbaycan Prezidenti İlham Əliyev və Ermənistan Baş naziri Nikol Paşinyanın Əbu-dabidə bu gün baş tutan görüşü haqda yazıb.

"Əsas mesaj budur: Qarabağ artıq gündəmdə deyil. Danışıqların mərkəzində təhlükəsizlik yox, ticarət, tranzit və normallaşma dayanır. Qərb üçün bu, münaqişənin bitməsi deməkdir. Bu proses Rusiyanı kənarda qoyur, İranın manevr imkanlarını daraldır, revanşist dairələri zəiflədir. Ermənistan uyğunlaşan tərəfdir, Azərbaycan isə prosesi aparan aktordur. Qazanan Bakı və regional inteqrasiyadır. İtirənlər isə sülh üzərindən yox, müharibə üzərindən siyasət quranlardır. Bu görüş romantik sülh jesti deyil. Bu, Cənubi Qafqazda güc balansının dəyişdiyini rəsmiləşdirən siyasi aktdır”.