Erməni AK-Partidən namizəd olacaq

Vətəninfo.az  xəbər verir ki,  Türkiyədə bu il keçiriləcək parlamet seçkilərində  12 ildir iqtidarda olan Ədalət və İnkişaf ( AK Parti) Partiyasının parlamentdə hazırda millət vəkili olan 70-dən artıq üzvü yenidən millət əvkili ola bilməyəcək. 

Məlumata görə, partiyanın nizamnaməsinə görə,partiyadan üç dəfə millət vəkili seçilən şəxslər yenidən namizəd ola bilməzlər.

Elə buna görə də hakim partiya indidən qarşıdakı seçkilərdə partiya siyahısı ilə seçilməsi mümkün olan şəxsləri müəyyənləşdirməyə başlayıb.

Məlumata görə,  AK Partiyanın  millət vəkili siyahısında adları ola biləcək şəxslərin başında Türkiyə Respublikası Milli İstibarat Təşkilatının rəhbəri Hakan Fidan gəlir.

Hakan Fidandan sonra isə İstanbul Böyük Şəhər Bələdiyyəsi sədri Qədir Toppaşdır.

AK Partiyanın qarşıdakı seçkilərdə edəcəyi yenliklərdən biri isə, milliyətçə erməni olan və baş nazir Əhməd Davudoğlunun baş məsləhtəçisi Etyən Mahçupyanın namizədliyini irəli sürmək olacaq.

Beləliklə prezident Rəcəb Tayyib Ərdoğanın nəzarətində olan hakim partiyada ilk dəfə olaraq bir erməni Türkiyə Böyük Millət Məclisinə girmək şansı əldə etmiş olacaq.

Qarşıdakı parlament seçkilərində tanınınan simalardan sabiq İstanbul valisi Hüseyin Avni Mutlunun da AK Partidən namizəd olacağı qeyd edilməkdədir.

Vətəninfo.az