Erməni müxalifətçinin qayınanasını cəzalandırdılar

Azərbaycana qaçan erməni müxalifət fəalı Vahan Martirosyanın qayınanasını işlədiyi hərbi hospitaldan işdən qovublar.

Virtualaz.org saytı erməni KİV-lərinə istinadən xəbər verir ki, Martirosyanın qaynanası Anait Qasparyan Ermənistan Müdafiə Nazirliyinin Mərkəzi Klinik Hərbi Hospitalında işləyirdi. 

Ancaq məlum olub ki, o, sentyabrın 17-də işdən azad edilib.

"Onun kürəkəni və qızı Azərbaycana qaçandan sonra hospitalın rəhbərliyi məsələni bir daha dəqiqləşdirib və Qasparyana işdən çıxarıldığını bildirib”- deyə erməni mətbuatı yazır.

Vətəninfo.az