"Axır ki, Moskvadan izn alıb Avropa Birliyiylə "hərtərəfli və geniş əməkdaşlıq anlaşması” bağlayan Ermənistana Brüsseldə nə dedilər bilirsinizmi? Dedilər ki, Dağlıq Qarabağ Azərbaycanındır, bu ölkənin suverenliyini və torpaq bütünlüyünü tanımaqdan başqa yolumuz yoxdur, sənə isə "kiçik bacı”mız olaraq 3-5 avro dilənpayı verə bilərik, o da özünü yaxşı aparsan”.

O daha sonra qeyd edib ki, erməni lobbisinin Avropa Parlamentində satın aldıqlarına və islamafoblara dayanaraq sammitöncəsi çıxartdığı qətnamənin bir qara qəpik belə effekti olmadı:

"Xatırladaq ki, həmən qətnamədə Dağlıq Qarabağ məsələsinin digər etnik problemlərdən ayrılması və onun Minsk qrupu həmsədrlərinin irəli sürdüyü prinsiplər üzrə həll edilməli olduğunun vurğulanması məsləhət görülürdü. Ancaq sammitə qatılan dövlətlər adından yayılan birgə bəyannamdə bildirilir ki, "Avropa Birliyi bütün tərəfdaşlarının torpaq bütünlüyü, müstəqillik və suverenliklərini tanımaqda davam edir”. Yəni Ukrayna, Gürcüstan və Moldovanın torpaq bütünlüyünə yanaşma necədirsə, bu, ürəklərindən olsa da, olmasa da Azərbaycanınkına da o cürdür”.