Globalinfo.az xəbər verir ki, bunu erməni filosof Mark Nışanyan deyib.

O, Ermənistan Təhlükəsizlik Şurasının katibi Armen Qriqoryanın "Sülh sazişinin Ermənistanın maraqlarına tam cavab verəcəyinə şübhəm yoxdur” fikrinə münasibət bildirib:

"Müharibədən sonrakı razılaşmalar birmənalı olaraq qalib tərəfin maraqlarına cavab verir. Yəni səsləndirilən fikir həqiqətə uyğun gəlmir. Ona görə də A.Qriqoryanın açıqlamasının iki mümkün izahı var:

Birincisi odur ki, Ermənistan əslində sülh müqaviləsi imzalamaq niyyətində deyil, çünki şərtlərin İrəvanın maraqlarına uyğun gəlməsi mümkün görünmür.

İkincisi budur ki, Ermənistan hakimiyyəti Azərbaycanla münasibətlərdə özünü qalib hesab edir: Qarabağ təhvil verildi, məsələ bağlandı, artıq münasibətlərdə sülh danışıqları gündəmdədir. Yəni İrəvan Qarabağdan əl çəkməklə Bakı ilə əlaqələri əldə etmiş oldu. Hakimiyyət özünü "qazanclı” hesab edir”.