Globalinfo.az xəbər verir ki, bu barədə danışan Ermənistanın İstintaq Komitəsinin mətbuat katibi Qor Abramyan iddialara aydınlıq gətirib.

O deyib ki, istintaq zamanı cinayəti azərbaycanlıların törətməsi ilə bağlı heç bir izə rast gəlinməyib:

"Bizdə bununla bağlı hər hansı məlumat yoxdur. Jurnalist həmkarlarım qətldə azərbaycanlıların əlinin olub-olmaması ilə bağlı sual səsləndirirlər. Hazırda araşdırma davam edir, bütün istintaq tədbirləri lazımi qaydada yerinə yetirilir. Amma cinayəti azərbaycanlıların törətməsi ilə bağlı bizə məlumat daxil olmayıb. Əgər sakinlər cinayəti törədənlər haqqında hər hansı məlumata sahibdirlərsə, aidiyyəti quruma məlumat verə bilərlər”.

Qeyd edək ki, ötən gün gecə saatlarında Zəngəzur vilayətinin Qafan rayonunda mis-molibden mədənində çalışan 55-60 yaşlarında bir mühafizəçi güllənib. Kənd sakinləri bu cinayəti azərbaycanlı hərbçilərin törətməsi haqda əsassız və həqiqətə uyğun olmayan fikirlər səsləndiriblər.