Fərəc Quliyevin KKTC səfəri

Millət vəkili, MDHP sədri Fərəc Quliyevin  KKTC səfəri  haqqında məlumat vermişdik. Bu saatlarda redaksiyamıza daxil olan məlumata görə, bu gün səhər F.Quliyev ADA TV-də canli yayimda çıxış edib.

MDHP sədri cumhur başkani sarayında Cumhurbaşkani Dərviş Əroğlu ilə görüşüb, KKTC-nin istiqlal bayramı münasibəti ilə onu təbrik edib və türk dünyasının dərin inteqrasiyası məsələlərinə toxunub.

F.Quliyev cumhurbaşkanına “YDD siyasətində Azərbaycanın yeri və rolu” kitabını təqdim edib.
Cumhur başkanı millət vəkilinin təkliflərini dəstəklədiyini bildirib və bayram hədiyyəsi ilə qarşılıq verib.

F.Quliyev eyni zamanda KKTC hökumətinin rəhbəri baş nazir Irsen Küçük və KKTC xarici işlər naziri Hüseyin Ozgürgünlə görüşüb. Millət Vəkili F.Quliyev KKTC-nin hətta idman sahəsində belə boykota məruz qaldığını nəzərə alaraq yeni təkliflə çıxış edib.

Fərəc Quliyev günün ikinci yarısında KKTC Mücahidlər Dərnəyini ziyarət edib.

Axşam o baş nazir İrsen Kücük tərəfindən veriləcək ziyafətə iştirak edir.

“Vətəninfo.az”