Güləşçilərimiz Batumidə beynəlxalq turnirdə 5 medal qazanıblar

Batumidə dünya çempionu Muxran Vaxtanqadzenin şərəfinə həsr olunan gənclər arasında yunan-Roma güləşi üzrə beynəlxalq turnirdə Azərbaycan millisi 5 medal qazanıb.

Vətəninfo.az AZƏRTAC-a istinadən xəbər verir ki, komandamız turnirdə məşqçilər Zöhrab Abbasovun və Turac Hüseynovun rəhbərliyi ilə mübarizə aparıblar.
Yarışda Təbriz Yusifzadə (55 q) bütün rəqiblərinə qalib gələrək turnirin qızıl medalına sahib olub. Mikayıl Rəhmanov (60 kq), Soslan Fanziyev (96 kq) və Cavid Feyziyev (120 kq) yalnız finalda uduzaraq gümüş medalla kifayətləniblər. Bürünc medalı isə yığmamıza Murad Allahverdiyev (66 kq) qazandırıb.
Yığmamız komanda hesabında üçüncü pillədə qərarlaşıb.
Görüşlərin idarə olunmasında Azərbaycanı beynəlxalq dərəcəli hakim Ceyhun Salmanov təmsil edib.