Habil Əliyevi süni nəfəs aparatına qoşublar: “Prezidentin nəzarətindədir“

Həyat yoldaşı: "Ümid ancaq Allahadır”

 

Xalq artisti, tanınmış kamança ifaçısı Habil Əliyevin səhhətində irəliləyiş var. 

Vətəninfo.az xəbər verir ki, bunu AzNews.az-a açıqlamasında sənətkarın həyat yoldaşı Şərqiyyə Əliyeva deyib. O bildirib ki, Habil Əliyev prezidentin nəzarəti altındadır: "Dünənə baxanda bu gün nisbətən gözünü açıb. Həkimlər əllərindən gələni edirlər. Prezidentimizin nəzarəti altındadır”.

Şərqiyyə xanım qeyd edib ki, H.Əliyev xeyli vaxtdır ağ ciyər və ürək çatışmazlığından əziyyət çəkir: "Amma heç belə vəziyyətə düşməyib. Hazırda Mərkəzi Klinik Xəstəxanadadır. Nə qədər vaxtdır ki, reaksiyası yox idi. Onu süni tənəffüs aparatına qoşublar. Ümid ancaq Allahadır”.