“İctimai Palata vahid namizəd müzakirəsini gündəlikdən çıxarıb”

“İctimai Palatada vahid namizəd məsələsinin indidən müəyyənləşdirilməsi ilə bağlı məsələ qurumun əsas mövzular sırasından çıxarılıb”.

"Vətəninfo.az"ın məlumatına görə, bunu APA-ya açıqlamasında Müsavat Partiyası Mərkəzi İcra Aparatının rəhbəri Arif Hacılı verib. İctimai Palatanın vahid namizədinin müəyyənləşdirilməsinə dair aparılan müzakirələrin səngiməsinin səbəbləri haqqında danışan A. Hacılı bildirib ki, bu mövzunun müzakirəsinə başlamağın hələ tez olduğu qənaətinə gəliblər:
“Vahid namizəd məsələsinin müzakirəsi hələ tezdir və fəsadlar yaradır. Belə mövqelərə hörmətlə yanaşmaq lazımdır. Çünki istənilən halda hansısa təşəbbüsdən doğan islahatın fəsadları da olur”.