İdmançı bir top zərbəsi ilə həlak oldu

Kriket üzrə Avstraliya millisinin oyunçusu Phillip Hughes boyun nahiyəsinə dəymiş güclü top zərbəsindən vəfat edib.

Vətəninfo.az xəbər verir ki,  hadisə Sidneydə keçirilən kriket matçı zamanı baş verib. 25 yaşlı kriketçi aldığı güclü top zərbəsindən yerə yıxılaraq huşunu itirib. Meydançaya çağırılan təcili tibbi yardım maşını ilə xəstəxanaya aparılan idmançını həyata qaytarmaq mümkün olmayıb.

Həkim Peter Brukner gənc kriketçinin faciəvi təsadüf nəticəsində öldüyünü qeyd edib. Onun sözlərinə görə, güclü top zərbəsi idmançının boynu ilə kəllə sümüyü birləşən nöqtəyə dəyib. Nəticədə Fillip Hugesin onurğa arteriyası partlayıb və beyninə qan sızıb. Həkim belə zədələrin çox nadir hal sayıldığını qeyd edib.

Avstraliya Baş naziri Tony Abbott idmançının faciəvi ölümü ilə bağlı ailəsinə başsağlığı verib.