İki qadın cüdoçumuz qələbə qazandı, biri uduzdu

Bu gün I Avropa Oyunlarının cüdo yarışları başlayıb. Vətəninfo.az  Modern.az-a istinadla xəbər verir ki, yarışlar Heydər Əliyev adına İdman Sarayında keçirilir və 8 idmançımız mübarizə aparır.
48 kq-dək çəki dərəcəsindəki təmsilçimiz Ayşə Qurbanlı 1/16 final mərhələsində Rusiya idmançısı Kristina Rumyantseva ilə qarşılaşıb və qələbə qazanıb. İdmançımızın 1/8 finaldakı rəqibi İtaliya təmsilçisi Valentina Moskat olacaq.
Daha bir qadın cüdoçumuz - Leyla Əliyeva da  1/16 final qalib gələrək, 1/8 finala vəsiqə əldə edib.
52 kq-dək çəki dərəcində isə təmsilçimiz Səkinə Zayirova 1/16 final mərhələsində İsrail cüdoçusu Roni Şvartza uduzub.