İlham Əliyevi təbrik etdilər

Pakistan İslam Respublikasının prezidenti Məmnun Hüseyn və Ukrayna prezidenti Pyotr Poroşenko Respublika Günü münasibətilə Azərbaycan prezidenti İlham Əliyevə təbrik məktubu imzalayıblar.
Vətəninfo.az ANS PRESS-ə istinadən xəbər verir ki, Pyotr Poroşenko məktubunda qeyd edib: “Ukrayna Azərbaycan Respublikası ilə münasibətlərin hərtərəfli inkişafına xüsusi diqqət yetirir. Əminəm ki, ölkələrimiz arasında strateji tərəfdaşlıq bundan sonra da qarşılıqlı anlaşma və etimad əsasında inkişaf edəcək”.
Məmnun Hüseyn isə öz məktubunda bildirib: “Bizim ortaq maraqlarımız, dəyərlərimiz, regionlarda sülh və sabitlik üçün töhfələrimiz bir-birimizə siyasi məsələlərdə güclü qarşılıqlı dəstəklə ifadə olunur. Əminəm ki, bizim əlaqələr yaxın zamanda daha da güclənəcək, xalqlarımızın rifahı və firavanlığı artacaq”.