“InvestAZ” bank olmayan kredit təşkilatı ilə əməkdaşlığa başlayıb

Azərbaycanda fərdi investorların sayının artırılması və korporativ investisiya vasitələrin inkişafı istiqamətində fəaliyyət göstərən "InvestAZ” bank olmayan kredit təşkilatı ilə əməkdaşlığa başlayıb.

Vətəninfo.az-ın APA-ya istinadla məlumatINa görə, korporativ yatırım sahəsində "KredAqro” QSC -nin istiqrazlarının yerləşdirilməsində anderrayter qismində çıxış edən şirkət, ümumilikdə 3 mln. manat həcmində istiqraz buraxılışını həyata keçirəcək.

 Yaxın günlərdə Bakı Fond Birjasında yerləşdirilməsinə başlanılacaq istiqrazların miqdarı 12 000 (on iki min), bir ədədinin nominal dəyəri isə 250 (iki yüz əlli) manatdır.

 Yeni emissiya olunacaq qiymətli kağızların emissiya prospektinin hazırlanması, qeydiyyata alınması, buraxılışı və digər maliyyə broker xidmətləri üzrə fəaliyyət göstərən "InvestAZ” şirkəti Azərbaycanda tam lisenziyalaşmış investisiya şirkətidir.