İran ABŞ-ın bazalarını bombalayacaqdı

İslam İnqilabı Keşikçilər Korpusu Aeronavtika qüvvələri komandanı general Əmir Əli Hacızadə maraqlı açıqlama verib

Vətəninfo.az-ın Avrasiya.net-ə istinadən verdiyi xəbərə görə, İslam İnqilabı Keşikçilər Korpusu Aeronavtika qüvvələri komandanı general Əmir Əli Hacızadə bu haqda açıqlama verib.

Onun sözlərinə görə, ötən il İran ordusu tərəfindən ABŞ-ın “RQ170” tipli casusluq təyyarəsinin ələ keçirilməsilə eyni vaxtda bəziləri ABŞ odusunun quru qoşunlarının bu təyyarəni məhv etmək üçün İran sahəsinə soxulacağını ehtimal etmişdilər.

İranlı general bildirib ki, bu ehtimalların düz çıxacağı təqdirdə İran Ordusu da əməliyyata keçəcəkmiş: “Əlbəttə 15-20% ehtimal verilirdi ki, bu hadisə baş versin. Elə buna görə də bütün raket bazaları və qüvvələri hazır vəziyyətə gətirmişdik ki, əgər onlar hərəkət edərlərsə, biz dərhal onların bazalarını raketlərlə bombardman edəcəkdik”.