İŞİD-in Əfqanıstandakı 2-ci adamı öldürülüb

Vətəninfo.az Strateq.az-a istinadla xəbər verir ki, bu məlumatı Əfqanıstanın Milli Təhlükəsizlik Nazirliyi (NDS) yayıb. Məlumata görə, terror təşkilatının Əfqanıstan üzrə rəhbərinin köməkçisi Gül Zamanla bərabər daha 48 silahlı da zərərsizləşdirilib.

İŞİD silahlıları ABŞ-a aid pilotsuz hava aparatı (PHA) tərəfindən qətlə yetiriliblər. Əməliyyat İŞİD üzvlərinin toplantısı sırasında düzənlənib.

Nangarhar valiliyinin sözcüsü Əhməf Ziya Əbdülzai də faktı təsdiqləyib. Sözçünün bildirdiyinə görə, ABŞ PHA-ları iki hücum həyata keçiriblər. Gül Zamanın da öldürüldüyü ilk hücum zamanı İŞİD-in 12 üzvü qətlə yetirilib. Qısa müddətdən sonra həyata keçirilən ikinci hücumda isə daha 37 silahlı öldürülüb.

Qeyd edək ki, son iki ayda İŞİD Əfqanıstandakı fəaliyyətini xeyli gücləndirib. Təşkilatın zaman-zaman Taliban üzvləri ilə də toqquşmaları baş verir. Ölkə hökuməti terrorçu qruplaşmaların milli təhlükəsizliyi ciddi təhdid etdiyini bildirir.