İŞİD-lə danışıqlar nəticə verməyib - VİDEO

Səlahəddin Şişaninin İŞİD və digər radikal qruplaşmalarla apardığı sülh müzakirələri nəticəsiz qalıb.

Publika.az xəbər verir ki, İŞİD-lə döyüşən “Ahraruş-Şam”, “Əl-Nusra” Cəbhəsi və İslami cəbhələri arasındakı atəşkəs danışıqları nəticə  verməyib. Silahlı qruplaşmalar  Suriya hökumətinin Hələb şəhərini mühasirəyə aldığı bir zamanda İŞİD-lə atəşkəs razılığına gələ bilmək üçün çeçen komandir Səlahəddin Şişanini vasitəçi seçiblər. Amma “Ənsar” Ordusunun lideri Səlahəddin Şişaninin apardığı danışıqlar nəticəsiz qalıb.

Şişani İŞİD-in qalası kimi tanınan Rakka şəhərinə gedərək, İŞİD liderləri ilə görüşüb. Lakin görüşdən əliboş qayıdıb. Şişani Liyramonda atəş altında verdiyi açıqlamada görüş barəsində danışıb. Çeçen komandir İŞİD-in bütün qruplaşmaları “mürtəd” adlandırdıqlarını deyib.

Səlahəddin Şişani həmçinin Rakkaya gedən zaman İŞİD tərəfindən ona “Səlahəddin Rakkaya bizə beyət etməyə gəldi” kimi yalan xəbər yaydığını vurğulayıb.

“Ənsar” Ordusunun lider Səlahəddin qruplaşmasının Doku Omarova beyət etdiyini bildirib. Qruplaşma Doku Omarovun öldürülməsindən sonra yeni” Qafqaz əmiri” Əli əbu Məhəmmədə beyət edib. Çeçen komandir “Allahın izni ilə beyətimiz qiyamətə qədər qalacaq” deyib.

Qeyd edək ki, o, özünə “Şişani” ləqəbi götürən növbəti səhra komandiridir.


Daha ətraflı videoda: