İŞİD vəhşiliyi, barmağı qopan, yetim qalan uşaqlar...

İŞiD-in hücum etməsi nəticəsində 200-dən çox adamın həyatını itirdiyi Kobanidə onlarla uşaq yetim qalıb.

Onlardan yaralı və köməyə ehtiyacı olanlar Urfa, Suruç və Diyarbəkirdə müalicə görürlər.
Musavat.com xəbər verir ki, hələ 1 yaşında olan Maya Esmer ilə 3 yaşlı Roza Esmer Kobaninin Berxbotan kəndindəndirlər. İŞİD üzvləri Berxbotan kəndinə girərək gənc, yaşlı, qadın, uşaq ayırd etmədən 26 adamı qətl ediblər.
Kənd sakinlərindən biri olan Fatma Əsmər, qızları Maya ilə Rozayı qucağına alaraq, uşaqlarını İŞİD-in əlindən xilas etmək üçün evdən uzaqlaşmağa çalışıb. Bu zaman İŞİD-çilər onlara atəş açmağa başlayıblar. Bu zaman uşaqları üçün bədənini sipər edən ana, sinəsindən vurularaq evin həyətində həyatını itirib.
Hücum zamanı üç yaşındakı Rozanın sol əlinə güllə dəyib və iki barmağı qopub. Evdə çıxan yanğın nəticəsində 1 yaşlı Mayanın da ombasında yanıqlar meydana gəlib. Onlar Türkiyə tərəfində müalicə alırlar. Daha onlarla uşaq ya yetim qalıblar, ya da yaralanıblar.

Musavat.com