İsrail parlamenti buraxıldı

İsrail parlamenti bazar ertəsi özünü buraxmaq haqqında qanun qəbul edib. Növbədənkənar seçkilərin martın 17-də keçiriləcəyi bildirilir.

Vətəninfo.az  xəbər verir ki, İsraildə hökumət böhranı Baş nazir Benyamin Netanyahunun dekabrın 2-də hakim koalisiya partiyalarının liderləri olan maliyyə naziri Yair Lapid və ədliyyə naziri Tsipi Livnini istefaya göndərməsindən sonra başlamışdı.

Netanyahunun dediyinə görə, onlar kabinetin əleyhinə hərəkət edirdilər və hökumət artıq ölkəni idarə edə bilmirdi.

İsrailin 2013-cü ildə formalaşdırılan mövcud hökuməti Benyamin Netanyahunun sayca üçüncü kabinetidir. Lakin onun dördüncü mandata da şansları qalmaqdadır. Bunun üçün Baş nazirin rəhbərlik etdiyi “Likud” partiyası koalisiya yaratmaq üçün yeni müttəfiqlər tapmalıdır.

Knessetə növbəti seçkilərin 2017-ci ildə keçirilməsi planlaşdırılır.