İsraildə korrupsiya işi üzrə 20 məmur saxlanılıb

İsrail polisi XİN rəhbəri Aviqdor Libermanın rəhbəri olduğu partiyanın üzvləri də daxil olmaqla 20-dən çox məmur saxlayıb.

APA-nın “Frans Press”ə istinadən verdiyi xəbərə görə, bu barədə polisin açıqlamasında bildirilir.

Məlumata görə, saxlanılanların arasında keçmiş turizm naziri Faina Kirşenbaum da var. Onun barəsində dekabrın 28-dək həbs qətimkan tədbiri seçilib.

Daha 4 saxlanılan şəxs məhkəmənin qərarı ilə ev dustağı edilib.

Qeyd edək ki, bir müddət əvvəl Yerusəlimin keçmişmeri Uri Lupolyanskiyə rüşvət aldığına görə6 il müddətində həbs cəzası verilib.