Kadırovdan qadağa

Çeçenistan Respublikasının rəhbəri Ramzan Kadırov İŞİD terror qruplaşmasının sıralarında döyüşmüş çeçenlərin respublikaya girişinə qadağa qoyulacağını bildirib.

Vətəninfo.az məlumat verir ki, APA-nın "TASS”a istinadən verdiyi xəbərə görə, bu barədə o, sosial şəbəkələrin birindəki səhifəsində bildirib.

"Bu keçirilmiş iclasda biz qərara gəldik ki, İŞİD-i seçən şəxslərin Çeçenistana dönməsi üçün yol bağlı olmalıdır və olacaqda. Əgər onlar döyüşməyə qərar veriblərsə, qoy elə orada döyüşüb ölsünlər, Çeçenistana onlar lazım deyil”, - deyə Kadırov bildirib.

"Cəmiyyət nəinki Suriya və ya İraqa gedənləri, hətta o şeytanları daxilən dəstəkləyən hər kəsi qətiyyətlə pisləyir”, - deyə o qeyd edib. Çeçenistan rəhbərinin sözlərinə görə, respublikanı tərk edərək İŞİD-ə qoşulma halları kəskin azalaraq yox səviyyəsinə çatıb.