Teleaparıcı Kamran Həsənli ANS telekanalından ayrılması haqda yayılan xəbərlərə aydınlıq gətirib.
 Vətəninfo.az-ın Axşam.az-a istinadən məlumatına görə, "Qafqazinfo”ya açıqlamasında teleaparıcı bildirib ki, yayılan məlumatlar əsassızdır:

"Axşam-axşam” verilişinin bağlanması xəbəri doğrudur. Lakin ANS-də fəaliyyətimi davam etdirirəm. Bu cür xəbərləri kim yayır, bilmirəm. Hazırda müzakirələr aparılır. Ya bir müddət sonra "Axşam-axşam” verilişi yayımlanmağa davam edəcək, ya da yeni proqramla efirə qayıdacağam. Böyük ehtimalla yeni veriliş təqdim edəcəyəm".

ANS Şirkətlər Qrupu prezidentinin media üzrə müşaviri Mais Məmmədov aznews.az-a açıqlamasında deyib ki, kanal rəhbərliyi gözlənilən reytinqi yığa bilmədiyi üçün verilişin bağlanılmasına qərar verib:
"Proqrama baxan yox idi. Bu səbəbdən verilişin reytinqi çox aşağı idi. Verilişin bağlanılma qərarı da bununla bağlıdır”.

Qeyd edək ki, "Axşam-axşam” Kamran Həsənlinin ANS telekanalında apardığı üçüncü veriliş idi. Bundan öncə isə o, "Günəbaxan” və "Rövşanə ilə bazar səhəri” verilişində aparıcılıq edib.