Murad hazırda Bakı şəhəri Binəqədi rayonu Biləcəri qəsəbəsiində  yerləşən 314  №-li orta məktəbdə oxuyur.  Əlaçıdır, bütün fənləri eyni dərəcədə sevir. Nümunəvi davranışına və əla oxumasına görə məktəb müdiriyyəti tərəfindən fəxri fərmanlara layiq görülmüş, valideynlərinə təbrik məktubları göndərilmişdir. Onun  savadlı, nümunəvi şagird olmasında sinif rəhbəri  Zəminə Nəbiyevanın əməyi böyükdür.

Muradı tanıyanların hamısı onu səmimi, çalışqan uşaq kimi qiymətləndirir. Sinif yoldaşları ilə çox mehriban davranır, zəif oxuyan yoldaşlarına yaxından kömək edir.

Muradın arzuları böyükdür. Seçəcəyi sahənin peşəkarı  olmaq, insanlara yararlı olacaq peşəyə yiyələnmək  arzusundadır. O, buna yalnız əla oxumaqla nail olacağını da bilir. Inanır ki, məqsədinə çatacaq. Murad torpaqlarımızın bir hissəsinin düşmənlər tərəfindən tutulduğunu, işğal olunduğunu da bilir. Deyir ki, əgər mən əsgər gedənə kimi torpaqlarımız azad olunmasa, özüm qabağa düşüb düşmənin üstünə gedəcəyəm, onları ölkəmizdən qovacağam. Onun fikrincə, bütün sənətlərdən və peşələrdən uca ali bir məqsəd var - Vətənəlayiq olmaq. Murad Azərbaycanın layıqli vətəndaşı olmaq istəyir.