Mərkəzi Bankın qara siyahısındakı şəxs kimdir?

Azərbaycan Mərkəzi Bankı yanında Maliyyə Monitorinqi Xidməti BMT Təhlükəsizlik Şurasının Əl Qaidə Sanksiya Komitəsinin sentyabrın 21-də qəbul edilmiş qərarlarına uyğun olaraq oktyabrın 5-də ümumi siyahını yeniləyib.  
Vətəninfo.az  Axar.az-a istinadla xəbər verir ki, əslən İngiltərə vətəndaşı olan Aseel Muthananın adı MB tərəfindən qara siyahıya əlavə edilib.
Muthana 1 il öncə BBC-yə müsahibə verib. 18 yaşlı terrorçu İngiltərənin Kardiff şəhərində yaşadığını, 2014-cü ildə qardaşı Nasser Muthana ilə birgə Suriyada cihadçı qruplaşmalara qatıldığını deyib.
İngiltərənin tələbi ilə BMT Muthana qardaşlarını, Ömər Huseyn, Aqsa Mahmud və Selli-Anna Consu qara siyahıya əlavə edib.
Xatırladaq ki, BMT-nin qara siyahısında 72 təşkilat və 231 fiziki şəxsin adı var.