ATƏT-in Minsk qrupunun həmsədrləri regiona səfərləri ilə bağlı yekun bəyanatlarla çıxış ediblər. Onlar bəyanatda səfərin əsas məqsədi, təmas xəttində və Ermənistan-Azərbaycan sərhədində ən son hərbi və siyasi məlumatları əldə etmək, Vyana və Sankt-Peterburq görüşlərində əldə olunan razılaşmaların həyata keçirilməsini və münaqişənin həlli istiqamətində gələcək addımları müzakirə etmək olmasını xüsusi vurğulaması, görünür həmsədrlər ədalətsiz mövqeyində israrlıdırlar. Həmsədrlər, Vyana və Sankt -Peterburq görüşündə əldə olunan razılaşmanı vurğulamaqla burada əsasən, atəşkəsə əməl etmək və ATƏT-in şəxsi nümayəndəsinin səhra köməkçisi Anji Kaspişikin mandatının genişləndirilməsinə çalışırlar.  Qeyd edim ki, hazırda səhra köməkçisinin mandatı beş nəfərdən yeddi nəfərə qaldırıldı. Bu, həmsədrlərin Bakıda görüşlərinin nəticəsində əldə olunmuş razılıq əsasında həyata keçirildi. Ermənistan çalışır ki, monitorinq qrupunun sayının artırılsın və danışıqlarda bunu irəli sürür.