Musiqili Komediya Teatrında ilin ilk premyerası

Musiqili Komediya Teatrının kollektivi ilin ilk premyerasına hazırlaşır.

Azərbaycan Dövlət Musiqili Komediya Teatrının kollektivi yeni ilin ilk premyerasının hazırlıq işlərini başa çatdırmaq üzrədir. Teatr bu dəfə Fransa və Qərbi Avropa ədəbiyyatında klassik komediya janrının banisi J.B.Molyerin  «Skapenin kələkləri» komedıyasını təqdim edəcək. İki hissəli komediya janrında hazırlanan tamaşanın quruluşçu rejissoru əməkdar incəsənət xadimi, Prezident mükafatçısı Əsgər Əsgərovdur. Tamaşada  Xalq artisti Hüseynsəfa Mirzəhəsənov, Əməkdar artist Boris Qrafkin, aktyorlar Emil Heydərov, Əliməmməd Novruzov, Elvin Əliyev kimi aktyorlar iştirak edirlər. Tamaşa 22 yanvar 19:00-da Rus Dram Teatrının səhnəsində oynanılacaq.