Natiq Miri: ”Bu bəyanat həm də Azərbaycana mesaj olaraq hesablanıb”

Bu bəyanat daha çox daxili auditoriyaya hesablanıb. Ay yarımdan sonra Ermənistanda prezident seçkiləridir və ölkəni tərk edən əhalini sakitləşdirmək istəyirlər. 

Bu sözləri “Veteninfo.az”a Azərbaycan Milli Strateji Təhqiqatlar Mərkəzinin sədri, politoloq Natiq Miri Ermənistanın “dəqiq və uzaqvuran”silahların alınması ilə bağlı yayılan xəbəri şərh edərkən bildirdi:

“Eyni zamanda, bu bəyanat həm də Azərbaycana mesaj olaraq hesablanıb və caydırıcı xarakter daşıyır. O ki qaldı bu silahların alınmasına, Ermənistanın dövlət büdcəsi buna imkan verəcək durumda deyil. Havadarları Ermənistana pulsuz müasir silahlar vermək fikrində deyillər. Məhdud sayda bəzi köhnəlmiş silahlar verilə bilər ki, bu da Azərbaycanın hazırkı silahlarının yanında rəqabət qabiliyyətli olmayacaq. Balansı qorumaq istəyirlər, amma bu, mümkün olmayacaq. Çünki iki ölkənin iqtisadi imkan və potensialıböyük nisbətdə Azərbaycanın xeyrinədir”,-deyə analitik qeyd etdi.

Elnur Eltürk