Neftçi İspaniyadan futbolçu alır

Çilinin “Union Espanyol” klubunun yarımmüdafiəçisi, müqavilə ilə İspaniyanın “Qranada” klubuna məxsus olan Matias Kampos karyerasını Azərbaycanda davam etdirə bilər.

Vətəninfo.az xəbər verir ki, bu barədə İspaniyanın “ideal.es” portalı məlumat yayıb. Məlumatda bildirilir ki, M.Kamposla Azərbaycanın “Neftçi” klubu ilə yanaşı, Çilinin “Palestino” komandası da maraqlanır.

25 yaşlı futbolçu İtaliyanın “Udineze”, “Syena”, həmçinin İspaniyanın “Erkules” klublarında çıxış edib.