Nemtsovun qatili özünü partlatdı

Vətəninfo.az-ın “İnterfax agentliyi”nə istinadən məlumtına görə Qroznı şəhərində polis tərəfindən həbsə alınma əməliyyatı keçirilərkən naməlum şəxs özünü əl qumbarası ilə partladıb. Yayılan xəbərdə deyilir ki, bu hadisənin Rusiya müxalifəti lideri Boris Nemtsovun qətlinin araşdırılması ilə bağlıdır. Hüquq-mühafizə orqanları tərəfindən adı açıqlanmayan şəxs Qroznı şərəhərində çoxmərtəbəli binanın mənzilərindən birində polis qüvvələri tərəfindən mühasirəyə alınıb. Məlumatlara əsasən, polis bir neçə saat ərzində onunla danışıqlar aparıb, lakin o, təslim olmaqdan imtina edib. Xəbər verildiyinə görə, həmin şəx ya bilərəkdən özünü partladıb, və ya qumbaranı polisə atarkən səhvə yol verib, nəticədə partlayışdan özü ölub.

Vətəninfo.az