Nemtsovun qızı Rusiyanı tərk etdi

Fevralın 28-də öldürülən rusiyalı müxalifətçi Boris Nemtsovun böyük qızı Janna Nemtsova Rusiyanı tərk edib.

Vətəninfo.az Azvision.az-a istinadən məlumat verir ki, Nemtsovun qızı “The Times” qəzetinə müsahibəsində bildirib ki, o, ona qarşı hədələrdən sonra ölkədən getmək barədə qərar qəbul edib.
“Normal yaşamaq istəyirsinizsə, siyasətə qarışmayın! Sizin atanız biz 139 milyonun ona nifrət etməsi üçün əlindən gələni edib”, - deyə Nemtsovun qızı sosial şəbəkələr vasitəsilə ona göndərilən hədələrdən birini oxuyarkən qeyd edib.
Nemtsova atasının öldürülməsinə görə siyasi məsuliyyətin Kremlin daşıdığını da bildirib.
Netmtsovanın işlədiyi “RBK” telekanalı bəyanat verib ki, onlar jurnalistin vətənə qayıdıb-qayıtmayacağını bilmirlər.