Obama Merkelə zəng vurdu

Avqustun 26-da ABŞ prezidenti Barak Obama Almaniya kansleri Angela Merkellə telefon söhbətində Ukraynanın şərqində son zorakılıqları müzakirə ediblər.

Vətəninfo.az-ın məlumatına görə, Azadliq.org bildirir ki, məlumatı Ağ Ev yayıb.

Obama Ukraynanın Minsk razılaşmasının öhdəliklərini yerinə yetirilməsi üzrə uğurlarını qeyd edib. O, Rusiyanın da eyni şeyi etməli olduğunu vurğulayıb.

Obama Merkelin Avropa miqrant böhranında liderliyini dəyərləndirdiyini bildirib.

Xatırladaq ki, Merkel bu yaxınlarda belə bir qərar verib ki, sərhəd ölkələrin yükünü azaltmaq məqsədilə Suriya qaçqınları üçün sığınacaq yaradılsın.

Yaxın Şərqdən, Afrika və Asiyadan gələn qaçqınlar Avropanı 2-ci Dünya Müharibəsindən bəri ən pis qaçqın böhranı ilə üz-üzə qoyub.