Obamanın qızları geyiminə görə tənqid olundu - FOTO

ABŞ prezidentinin qızları, Sasha və Malia Şükranlıq günündə keçirilən tədbir vaxtı hörmətsizlik və zövq çatışmazlığının nümayişində qınanıblar.

Vətəninfo.az BBC-yə istinadən xəbər verir ki, Prezidentin qızlarını Respublikaçı konqresmen Stefen Finçerin kommunikasiya departamentinin rəhbəri Elizabet Lauten öz Facebook səhifəsində tənqid edib. Ardınca da işlətdiyi acı sözlərinə görə üzr istəyib.

O, Facebookda qızların Şükranlıq günündəki hindtoyuğunun ənənəvi əvf etmə mərasiminə qısa ətəklərdə gəlməsini tnqid edib.

Xanım Lauten qeyd edib ki, mərasim vaxtı atalarının yanında duran 16 yaşlı Malia və 13 yaşlı Saşanın darıxdıqlarını görmək olardı. Həmçinin o, bacıların geyiminin yalnız bara layiq olduğunu yazıb.

"Birinci Ailənin üzvləri olan qızlar onlara ayrılan rola hörmət göstərməli idilər", Elizabet Lauten əlavə edib.

Facebook səhifəsindəki şərhlər sosial şəbəkələrdə geniş reaksiya doğurub. Bundan sonra Elizabet Lauten üzr istəyərək öz postunu silib.