Polis rəisi: "İndi avtoritet var...?"

Məlum  olduğu kimi beynəlxalq axtarışa verilmiş azərbaycanlı həbs olunub.  Gəncə şəhər Baş Polis İdarəsi, Kəpəz RPİ əməkdaşlarının həyata keçirdikləri əməliyyat-axtarış tədbirləri nəticəsində 1979-cu il təvəllüdlü Ruslan Ağalarov həbs edilib. 

Məlumata görə, Ruslan Ağalarov Ukraynanın Daxili İşlər Nazirliyi tərəfindən İnterpola axtarışa verilib. O, Ukrayna Cinayət Məcəlləsinin 115-ci maddəsi (qəsdən adam öldürmə) ilə axtarışda olub.

Moderator.az-a açıqlamasında isə Gəncənin Kəpəz Rayon Polis İdarəsinin rəisi Ağahüsüyn Məmmədov belə bir əməliyyatın keçirildiyini dəstiqləsə də tutulan şəxsə avtoritet deyilməsinin düzgün olmadığını dedi: "İndi avtoritet  var? Adamdı axtarışda olub və həbs edilib. Buna ayrı ad qoymaq lazım deyil. İndi toyuq oğrusuna da avtoritet deyirlər".

"Moderator.az"