Prezidentdən manat göstərişi

Qiymətləri süni şəkildə artıranları dövlət cəzalandıracaq

“Bütün qurumlara göstəriş verilib ki, süni qiymət artımına yol verilməsin”.

Vətəninfo.az  məlumatına görə, bunu prezident İlham Əliyev Mingəçevirdə məcburi köçkünlərlə görüş zamanı manatın ucuzlaşmasından danışarkən bildirib.

Prezident süni qiymət artımına yol verənlərə sərt şəkildə xəbərdarlıq edib. O bildirib ki, süni şəkildə qiymət artırımına yol verənlərə qarşı çox ciddi cəza tədbirləri görüləcək.

"Son illər Azərbaycanda istehlak olunan əsas ərzaq məhsulları Azərbaycanda istehsal olunur. Belə olan halda bu məhsullarda heç bir bahalaşmadan söhbət gedə bilməz. Kim qiymətləri süni şəkildə artırırsa, dövlət tərəfindən öz cəzasını alacaq”.

Qeyd edək ki, manatın ucuzlaşmasından istifadə edən işbazlar bəzi məhsulların qiymətlərini artırıblar.