Qaçqınların sayı çoxalıb

Cənubi Moraviyada polislər Macarıstandan və ya Slovakiyadan qeyri-leqal yolla Çexiyaya gəlmiş qaçqınları tez-tez saxlayırlar.

Vətəninfo.az xəbər verir ki, bu il qanun keşikçiləri 173 adam saxlayıblar, halbuki ötən ilin müvafiq dövründə bu rəqəm 9 olub.

Hadisələrin böyük əksəriyyətində söhbət Almaniyada bəxtini sınamaq istəyən kosovolulardan və Suriya qaçqınlarından gedir. Polis bölmələrində həmçinin dörd nəfər saxlanılır ki, hazırda polislər onları Şengen ölkələrinin sərhədlərini keçməyə yardım göstərməkdə ittiham etmək niyyətindədir.

Cənubi Moraviya polisinin mətbuat katibi Pyotr Vedrovun sözlərinə görə, qeyri-leqalların sayının artması ölkədə 2014-cü ilin noyabrından müşahidə olunmağa başlanıb.