Qəbələdə beynəlxalq mürəbbə festivalı keçiriləcək

Avqust ayının 29-da Qəbələ rayonunda "Qafqaz Karvansaray” oteldə Beynəlxalq  III Qəbələ Mürəbbə Festivalı keçiriləcək.

Vətəninfo.az Modern.az-a istinadla xəbər verir ki, tədbirdə YUNESKO-nun Dünya Xalq Yaradıcılığı Təşkilatının prezidenti xanım Karmen De Padilla iştirak edəcək.

Məlumat üçün bildirək ki, Qəbələdə keçiriləcək Beynəlxalq III Qəbələ Mürəbbə Festivalında  xarici ölkələrin kulinarları və Azərbaycanın bölgələri, sənaye üsulu ilə mürəbbə istehsal edən müəssisələr  iştirak edəcək və hər iştirakçı 8 növ mürəbbə gətirəcək.

Festivalda  bölgələr üzrə ayrılmış yerlərdə hər bir bölgə və xarici iştirakçı  üçün xarakterik olan mürrəbə məhsullarının, əl işlərinin sərgisi  təşkil olunacaq.