"Azərbaycan Avropa oyunlarına hazırdır"

"Avropa oyunları ilə əlaqədar əhval-ruhiyyə yüksəkdir. Düşünürəm ki, Azərbaycan qarşıdakı I Avropa oyunlarına hazırdır". Bu barədə Bakıda jurnalistlərə UNİCEF-in milli səfiri, Milli Basketbol Assosiasiyasında (NBA) oynayan  ispaniyalı peşəkar basketbolçu Xose Manuel Kalderon bildirib.
O qeyd edib ki, oyunlar üçün tikilən obyektlərlə tanış olub. "Oyunların keçirilməsi üçün bütün zəruri infrastruktur yaradılıb. Səviyyəsi və keyfiyyətinə görə Bakıdakı idman obyektləri Olimpiya səviyyəsinə uyğundur", - X.M.Kalderon deyib.
Qeyd edək ki, basketbolçu UNİCEF tərəfindən təşkil olunan uşaqlar üçün stritbol üzrə master-klass keçirmək üçün Bakıya gəlib.
Birinci Avropa oyunları Azərbaycanda iyunun 12-28-də keçiriləcək.

"Report"