"Başını dik tut, Həsən!"

"Üçüncü yer üçün döyüşә, azarkeşlәrim önünә çıxmaq fikrim yox idi. Çünki ermәniyә uduzmağı qәbul edә bilmirdim. Elә ona görә dә medalları alarkәn başımı qaldırmaq istəmədim" - bu sözləri 66 kq çəki dərəcəsində I Avropa Oyunlarının bürünc medalını qazanan güləşçi Həsən Əliyev demişdi.
Daha sonra Bakı 2015-in yarımfinalında erməni rəqibinə uduzan pəhləvanımız ona verilən dəstəkdən söz açıb.
Dünya və Avropa çempionumuz Həsən Əliyev finala vəsiqə qazana bilməməsi və erməni idmançıya məğlub olmasına görə təəssüflənsə də, ona olan dəstəyə görə xoşbəxt olduğunu bildirib.
İdmançımız bu barədə hisslərini sosial şəbəkədə yazdığı postda qeyd edib: "Sözün əsl mənasında deməyə ifadə tapmıram. Bir onu deyə bilərəm ki, mənə layiq olmadığım dəyəri verdiniz, layiq olmadığım işi etdiniz. Buna görə millətim qarşısında baş əyirəm. Bir gün əvvəl özümü ən bədbəxt insan kimi hiss edirdim, bu gün məni ən xoşbəxt insan etdiniz. Bu yaxşılığın qarşısını sadəcə Allah verə bilər, mən acizəm!"
Mükafatlandırma zamanı başını aşağı salan idmançımızın bu görüntüsü sosial şəbəkədə geniş yayılıb. Facebook, İnstagram və Twitter-də bu fotonu "#basinidiktut" heşteqi ilə paylaşanlar Həsən Əliyevə tam dəstək verdiklərini bildiriblər, ona ruhdan düşməmək məsləhət görüblər.